Enpirismoa vs Normatibismoa

1.- Enpirikoki aztertu daitezke Politika eta Administrazio Zientziak?

Bai. Politika eta Administrazio Zientziak enpirikoki aztertzeak errealitateari buruz deskribapen objetibo bat egitea esan nahi du, eta kasu honetan egin daiteke. Hala ere, azterketa hobea izango litzateke analisi enpirikoari analisi normatiboa gehitzen badiogu. Bateratze honekin jakintza maila handitu eta errealitate politikoa hobeto ulertzeko aukera emango da.

2.- Testuak planteazten duen jarrera edo adibideei kritika positibo edo negatiborik?

Gure ustetan, positibotzat hartzen dugu errealitate politikoa azaltzerako orduan, deskripzio soil batetan ez geratzea, hau da enpirikotasunean, errealitate guztiek balorazio subjetibo bat behar dutelako. Bigarrenez, testuak aditzera ematen duen adibide batek politika fiskalari buruz hitz egiten du. Bertan esaten da zergek behera egitean laguntza sozialak behera egiten dutela eta hori ez da egia. Zerbitzu sozialak mantendu daitezke, beste gastu batzuk murrizten diren einean, gastu militarra esaterako.

3.- Enpirismo eta normatibismoaren arteko harremanak, posizionatzerik edo hausnarketarik?

Ikerketa prozesuaren hasieran analisi enpirikoa nagusitzen da, hipotesi eta abarrak, eta ondoren analisi normatibora pasatzen gara, ondorio eta txostenak, alegia. Giza zientzietan behinik behin, azterketa enpirikoak konponente normatiboak behar ditu, aztertutakoak hausnarketa bat sortu dezan. Bestetik, azterketa normatiboak ere enpirismoa beharrezkoa du, iritzi soila izan ez dadin eta ondo arrazoitua egon dadin.

4.- Enpirismo edota normatibismoak lekua duten ikerketa gaietan pentsatu.

Analisi enpirikoa egoera baten deskribapena egiteko aproposa izan daiteke, errealitatea azaltzea helburu duena. Kokapen objetiboa izango zen, balorazioetan erori gabe. Honen adibide izan daiteke auzo batetan dagoen biolentzia deskribatzea.

Analisi normatiboari ez zaio behaketa eta deskripzioa soilik axola, beste esparru subjetibo batetan sartzen delarik. Honen adibide litzateke auzo batetako biolentziaren zergatiak bilatu ikuspuntu ezberdinak baloratuz, jende txiro eta kanpokoen paperean jarriaz.

5.- Enprismoa beti da posible? Nola da posible enpirismoa Politika eta Administrazio zientzietan?

Posible da, baina egoera batzuetan ez da erraza izaten objetibotasuna mantendu eta balorazioetan ez erortzea. Arazo politiko bat planteatzean, konponbide zuzenak izaten dira. Baina askotan, bakoitzak dituen pentsaera eta ideiak erabiltzen ditugu soluzio honenak bailiran. Beraz, normatibotasunera erortzen gara konturatu gabe.